Стационардың күн тәртібі
Стационардың емдеу - қорғау режимі
Әрбiр емдеу мекемесiнде өзiнiң ауруханаiшiлiк режимi болуы керек - осы мекемеде белгiленген белгiлi бiр тәртiп бар. Емдеу - қорғау режимінің басты шарттарының бірі - науқастың психикасын қорғау, яғни науқастардың дене бітімі мен психикалық тыныштығын қамтамасыз ететін қолайлы жағдайлар болып табылады.
Аурухана режимі науқастарды уақтылы және дұрыс тамақтандыруды, қажетті емдеуді және санитариялық - гигиеналық іс - шараларды қамтамасыз етеді. Әрбір бөлімшеде көрінетін жерде күн тәртібі ілінеді, онда:
Сағат бойынша ұйықтау, гигиеналық процедуралар және ұйықтау уақыты жазылған,
Тамақтану,
Бөлімшені жинау, желдету,
Диагностикалық және емдеу кабинеттерінің жұмысы,
Науқастардың туыстары мен таныстарының келу сағаттары және келушілердің келу кезіндегі мінез - құлық қағидалары.
Күн тәртібі
07.00 - 07.30 Науқастарды ояту, дене қызуын өлшеу, гигиеналық гимнастика (жалпы режимдегі науқастар үшін), палаталарды желдету.
07.30 - 08.00 Науқастарға арналған дәретхана уақыты, бөлімшені жинау.
07.45 - 08.00 Кезекшілікті ауыстыру, науқастарды тапсыру, палаталық дәрігердің ауыр науқастарды және жаңадан түскендерді алдын ала тексеруі.
08.00 - 08.15 Бөлімшедегі дәрігерлердің таңертеңгі конференциясы.
09.00 - 10.00 Науқастардың таңғы ас. Таңғы жалпы аурухана конференциясы.
09.30 - 11.00 Емдеуші дәрігердің науқастарды аралау уақыты.
11.00 - 14.00 Емдеу - диагностикалық жұмыс (зерттеулер, операциялар, таңулар, консультациялар жүргізу, тағайындауларды орындау, науқастарды қабылдау және шығару).
12.30 - 14.30 Түскі ас, бөлімшені екінші рет жинау, палаталарды желдету.
14.30 - 16.00 түскі демалыс уақыты.
16.00 - 17.00 Дене температурасын өлшеу, тағайындауларды орындау, кезекшілікті ауыстыру.
16.00 - 19.00 Бос уақыт (серуендеу, туыстарының келуі), палаталарды желдету.
18.00 - 19.00 Кешкі ас.
19.00 - 20.30 Кезекші тағайындауларды орындау. Кезекші дәрігердің аралау уақыты.
20.00 - 21.30 Палаталарды негізгі жинау, желдету.
21.30 - 07.00 Стационардағы ауыр науқастарды күту, түнгі бақылау және ұйықтау.
Емдеу - қорғау режимі бұзылған жағдайда науқас стационардан шығарылады.
