Ақмола облысының 49 жастағы тұрғыны Қарағандыда қонақта болған кезде өзін жайсыз сезініп, алдымен улану белгілері — құсу мен жоғары температура байқалған. Кейін неврологиялық симптомдар қосылған. Ер адам Облыстық клиникалық аурухананың терапевтикалық орталығына жатқызылды.
Анықталғандай, ботулизмге шалдығу тұздалған балық арқылы болған. Пациент инфекциялық орталыққа ауыстырылып, оған ботулинге қарсы сарысу егілді. Дәрігерлер оның өмірі үшін жансақтау бөлімінде қырық күннен астам күресті.
Қазір ер адам сауығып, үйіне шығарылды.
Ботулизм жағдайлары сирек кездескенімен, өте қауіпті — алғашқы белгілерден бастап өмірге төнетін қауіпке дейін бірнеше сағат қана өтуі мүмкін.