2026 жылғы 3 қаңтарда №252-VIII Заң қабылданып, Қазақстан Республикасының Қылмыстық кодексіне және Қылмыстық-процестік кодексіне өзгерістер енгізілді.

Енді Қылмыстық кодекске 380-3-бап қосылып, қызметтік міндеттерін орындау кезінде немесе олармен байланысты әрекеттер үшін медициналық қызметкерлерге және жедел жәрдем жүргізушілеріне қарсы қорқыту немесе зорлық көрсету үшін жауапкершілік қарастырылған.

Қылмыстық әрекеттің ауырлығына қарай келесі жазалар қолданылуы мүмкін:
▪️ айыппұл
▪️ қоғамдық немесе түзету жұмыстары
▪️ бостандықты шектеу
▪️ бас бостандығынан айыру

Медициналық қызметкердің өміріне немесе денсаулығына қауіпті зорлық-зомбылық үшін жазаның көлемі 10 жылға дейін бас бостандығынан айыру болып, ауырлататын жағдайларда 12 жылға дейін ұлғайтылуы мүмкін.

Бұл заңның мақсаты – кез келген жағдайда науқастарға көмек көрсететін медицина қызметкерлерінің құқықтық қорғалуын күшейту.

Заң ресми жарияланған күннен бастап 60 күн өткен соң күшіне енеді.